النجار العظيم

الاية: ادعني وقت الضيق انقذك فتمجدني.
الفكرة: في الحياة طريقين- طريق الخير وطريق الشر. قد يسلك الانسان طريق الشر بسبب غواية ابليس ولكن متى ادرك بؤس حاله عليه ان يطلب الله ليخلصه لان الرب وعد ” قبلما يدعون استجيب”.
الملخص:
يقوم النجار بصنع بعض العرائس الخشبية (البشر) ويتركهم ليعيشوا في المدينة (العالم) بعد ان يعطيهم كتاب يحتوي على وصايا ويحذرهم من طريق الشر (وادي الظلام) ويعدهم بانه سيلتقيهم ثانية (المجئ الثاني).
يذهب العرائس للعيش في المدينة ولكنهم بسبب غواية الساحر يدخلون في وادي الظلام وهناك يسقط كل واحد منهم في فخ (خطية) وهي بالترتيب:
شهوة العين (التفاحة المرة) – الحفرة (السقوط بسبب الكبرياء) – الماء المسموم (ماء العالم المالح) – الكنز (محبة المال او الطمع).
يكاد ان يسقط عليهم سقف الكهف الذي كانوا مأسورين فيه (قيود الخطية) لولا المنقذ الذي يظنون ان الكهف سقط عليه ومات. بعد ان يخرجوا من وادي الظلام يرجعون الى المدينة ثانية وهناك يظهر لهم المنقذ ويكشف عن نفسه انه هو نفسه من صنعهم (المسيح المخلص هو الله الخالق).
ويختم اللقاء بتوضيح كل واحد من العرائس الدرس الذي امستفاده.
**
مشهد 1
تفتح الستارة على مجموعة من العرائس
النجار (صوت): هيا يا احبائي.. ياللا يا صنعة ايديا.. مبروك عليكم نعمة الحياة.. بصوا بقى انا صنعتكم باشكال والوان متنوعة.. والان جاء دوركم لكي تحيوا في المدينة دي.. وروني هاتعملوا ايه وهتعيشوا كيف مع بعضكم. انتبهوا! انا سامع وشايف وشاعر بكل واحد فيكم.. وبعد مدة انا جاي تاني عشان اشوف كل واحد منكم عمل ايه.. على العموم لو واحد فيكم احتاجني نادوا علي.. سامعين؟

عروسة 1: سامعين.. سامعين
2: ايه الدوشة دي؟
1: ده كان صوت النجار اللي صنعنا.
2: ايوة وتبقى دي هي المدينة اللي قال لنا عنها؟
3: الله! دي جميلة جدا .. معقولة دي بتاعتنا؟ .. الله!
1: انا تعبانة قوى وعايزة انام.
4: بصوا البيوت الجميلة اللي هناك دي يالا كل واحد فينا يروح وينقي بيت ويسكن فيه وبعدما ما نستريح شوية نرجع ونتقابل تاني.
3: طبعا لازم نتقابل تاني عشان نتفق ازاي هنعيش في المدينة دي وعشان نبتدي حياتنا.
5: يعني ايه حياتنا؟
3: اه. بدات الاسئلة! حاضر هقولك بعدين.
(من داخل الكواليس): الله! البيت ده جميل قوي. انا هعيش هنا.. وانا هعيش هنا.. وانا هنا.. وانا هنا..
2: اما انا نمت لي شوية حلوين قوي.. يالا يا جماعة! ياللا صح النوم .. كفاية كسل!
1: ياه.. دا انا كنت تعبان قوي
3: المهم يا جماعة .. ما اتفقناش نعيش ازاي بقى في المدينة وهنعمل ايه؟
4: اول حاجة ناكل وتاني حاجة نشرب وتال حاجة ننام ورابعة حاجة نلعب و و و بس
يا سلام! وبعدما ناكل ونشرب ويخلص الاكل والشرب هانجيب تاني منين؟ لازم يا فالح نشتغل عشان نعرف نعيش.
ايوة صح لازم نشتغل .. الله! اومال امتى هنلعب؟ وهنلعب ايه؟
اه صحيح ؟ ازاي نتسلى .. ازاي؟ اومال فين توتي؟
مش عارف .. يا توتي .. ياتوتي!
بصوا .. انا لقيت ايه؟
ايه اللى معاك؟ وجبته منين؟
مش عارف.. مرة واحدة لقيت الباب بيخبط وقمت فتحت مالقيتش حد ولقيت العلبتين دول. لكن لسة معرفش فيهم ايه..
هات كدة ايه ده؟ نجوم ذهبية جميلة قوي!
والعلبة دي فيها دوائر سوداء
خلاص اتحلت يا جماعة وجدتها..
هي ايه اللي وجدتها.
فكرة.
هي ايه الفكروة يا حكيم زمانك
فكرة ح.. حكيم زمااانك. يعني ايه الكلام ده؟
ده زي معني كلمة حياتنا.
الظاهر انك اول من اطبق عليه فكرتي.
ماتقول بقى يا 1 ايه هي فكرتك.
ابدا هي دي التسلية بتاعتنا. هنلزق لبعض النجوم والدواير دي.
ايه ده؟ يعني ايه؟ حد فاهم حاجة؟
هافهمكم. يعني العروسة اللي شكلها حلو وبتعمل حاجات كويسة نلزق لها نجمة ذهبية.. واللي مش شاطر ومبتفهمشي (ينظر …) نلصق لها دائرة سوداء . ايه بقى رايكم في فكرتي؟
حلوة جدا.. انا موافق. هعطيكم لصق.
طب احنا هنلزق ايه وامتى؟
بص مرة تلزق الصبح ومرة بالليل
اه يعني اول ما اصحى من النوم وقبل مانام.
(الكل يضحك)
هاها دي اول دايرة من نصيبك.
انتظر يا 1 خلينا نفكر بجد .. على اساس ايه نلزق النجوم والدوائر
(الكل يفكر)
ايوة صح! فاكرين الكتاب الذي اعطاه لنا النجار. نقرأه وبعدين نلصق النجوم والدواير على اساسه.
ايوة عداك العيب.
ايه يا 5 تعالى بتدور على ايه؟
ايه.. بدور على العيب اللي عدى عليهم. اصله معداش عليّ.
(الكل يضحك)
4: يا جماعة خلينا في موضوعنا. اقرأ يا 3 الكتاب وسمعنا الوصايا اللي فه.
اول صفحة فيها اهداء وبتقول:
الى احبائي وصنعة يدي . اتمنى لكم حياة سعيدة في مدينتكم . مدينة العرائس. يا ريت تقول الكلام الجاي وتنفذوه.
ما عندي مشكلة. انا واثق من نفسي.
بطل غرور يا 1. كدة هتاخد دايرة سوداء. انا بحذرك.
يعني المغرور ياخذ دايرة سوداء. كويس. اديني فهمت حاجة.
المهم بعد الاهداء مكتوب ايه يا 1؟
بص يا سيدي.. الوصايا المكتوبة في الكتاب عبارة عن مججموعة ايات. المفروض نقراها ونفهم معناها.
بالضبط كدة. اول اية بتقول “تعلموا مني لاني وديع ومتواضع القلب”.
معنى هذا ان الوداعة والتواضع مهمين.
بسم الصليب عليك يا توتي. ودي عرفتها لوحدك؟
الاية الثانية “ليقل الضعيف باطل انا”.
اه سهلة دي! يعني نكون واثقين في نفسنا واننا نقدر نعمل حاجات كثيرة بقوة ربنا.
اه. زي داود وجليات.
بالضبط الاية الثالثة “.. ان سرت في وادي ظل الموت لا اخاف”.
ادينا قرينا الكتاب وشفنا المدينة كمان. يا للا نخرج ونتفرج في ايه براها.
اه. بس خدوا بالكم النجار حذرنا من وادي الظلام. اوعوا تقربوا منه.
يا ماما .. يا ماما.. انا مش هروح معاكم.
ادي دايرة سودا عشان انت جبان.
طب نتفرج من برة بس.
انا موافق.
على العموم انا حذرتكم.
5: طب وانا هروح فين؟
ماتخافش تعال معنا.
1: ماشي يالا نبتدي رحلتنا.
(موسيقى رعب)
الساحر: هاها ها انا الساحر ازعرينا. انا سمعت كلامكم كله. كلامكم عجبني. دا انتو هتشرفونا هناك بس تعالوا.
هناك فين؟
هناك في وادي الظلام. هتنبسطوا اوي بس تعالوا .
3: لا . انا قلت لأ. النجار العظيم قال لا.. واحنا لازم نسمع كلامه.
الساحر: الله ما تشخطس في كدة. بقولك ايه هو . مالكش دعوة به. هاتهم وتعال انا مستنيكم.. هاها ها .
ايه ده: مين ده؟ شكله غريب قوي.
وبخوف كمان.
بصوا يا جماعة احنا قلنا كلنا مع بعض نتفرج ومالناش دعوة بالمكان ده سامع يا 1؟ واللا اديك دايرة سودا؟
اه ماشي يا للا بينا.
(تبدا الرحلة- منظر اشجار)
الله!! شفتوا الشجر الحلو ده؟ الله التفاح جميل.. ما تيجوا ناكل منه.
اه. انا جعت (يقطف من الشجرة)
الشجرة 1: انتم مين؟
احنا عرائس صنعها النجار العظيم وجايين من مدينة العرائس.
طب وايه جابكم هنا؟
احنا قلنا نتمشى شوية ونتفرج على البلد من بره.
اه وبالمرة نعدي على وادي الظلام.
هش.. اسكت.
الشجرة 1: ايه؟ وادي الظلام انت رايحين هناك؟
عاجبك كده. ادي دايرة سودا عشان بعد كدة تمسكي لسانك.
الشجرة 1: بلاش تروحوا وادي الظلام.
شجرة 2: احنا مالنا.. اسكتي ازعرينا يسمعك وانت عارفة هو شديد ازاي.
الشجرة 1: عل العموم انتم احرار. انا حذرتكم وخلاص.

1 الله! المكان جميل . ماتيجوا نلعب مساكة.
ماشي. انا موافق.
يبقى انت اللي تمسكا. غمض عينك بقى.
(تدخل المسرح)
لما استخبى هنا. ماحدش هيشوفني.. بس استخبى فين؟ ده بير. ايوة هاختبي هنا.. يا للا 1.. 2.. 3..
(صوت) انت رايحة فين؟
رايحة اختبئ في البير.
بس ده عميق جدا. ولو وقعت مش هتعرفي تخرجي منه.
اه صح. عندك حق. انت مين؟
انا المنقذ العظيم.
(الكل ينادي على توتي)
يا توتي. انت رحتي فين؟
المنقذ: وقت ما تحتاجوا الي نادوا عليّ وانا علطول هساعدكم بل و”قبل ما تنادوا هكون جئت لكم”
ايه يا بنتي رحتي فين؟
(بذهول): ايه يا توتي مالك؟ مالك تحملقين فيّ كدة؟
اصل انا كنت هقع في البير لكن المنقذ انقذني.
منقذ؟ انت كنت بتحلمي ولا ايه؟
صدقوني. المنقذ قال لي. لما تقعوا في اي مشكلة نادوني وهتلاقوني جنبكم.
ايه ده. شامم ريحة شياط .. ايه ده؟ توتي سخنة قوي، وبتهلوس.
ايوة صح. ياللا نكمل فرجة.
بصوا.. اليافطة دي مكتوب عليها ايه؟
مكتوب “وادي الظلام”.. يالا نبعد من هنا.
انا خايفة.. حت شوفوا خشبي بيصطك وبيزيق ازاي.
مالكم كدة خايفين؟
لا النجار العظيم حذرنا من وادي الظلام.
وفاكرين كمان كلام الشجرة عنه؟
ايوة صح انا فاكر.
احنا هندخل شوية صغيرة وبعدين نخرج علطول.
لا انا مش هادخل .
ازعرينا: اهلا انتم وصلتم؟ ازيكم يا كتاكيت مالكم واقفين برة ليه اتفضلوا نورونا بدل الضلمة دي.
لو سمحت يا عم ازعرينا هو جوة ضلمة اوي؟
لا ابدا تعالوا وانت تشوفوا ده عينيكم هتوجعكم من شدة النور كمان
ياللا تيجي يا 2 هندخل شوية صغيرة
ماشي جاي وماجيش لي صغير انا ولا صغير يعني؟
وانت يا 4 موافق ؟
مش فارقة معي.
3: انتم نسيتم كلام النجار؟
ازعرينا: النجار العظيم؟ لا لا دي مش لازم تقولوا له انكم كنتم هنا.
3: لا مش ممكن نكذب عليه. احنا نحبه لانه صنعنا وعلى العمون انا مش داخل.
يا 5 عارفة لو جيتي معي اعطيك نجمة ولا اقولك خليهم نجمتين. ايه رايك؟
انا جاية
ازعرينا: باللا اهلا بيكم
3: انا مستنيكم برة ما تتاخروش.
**
(في وادي الظلام)
هو فيه ناس هنا يا ازعرين
طبعا وهاتقابلوهم ما تستعجلوش.
الله شايفين الشجرة الحلوة دي هناك. شايفين التفاح اللي فيها احمر ازاي؟
يقطف التفاحة ويجد طعمها مر)
ايه دي طعمها مر.
لا لا انت لسة ما اتعودتش على طعمها .. ده في الاول بس
المهم خلونا نكمل رحلتنا. نبدا منين؟
من اي حتة. كل الطرق تؤدي الى روما.
خلاص. نبتدي من عند الشجرة دي.
(يخرجوا من المسرح)
..
توتي: انتم شايفين النجوم الكثيرة دي؟ وتذهب توتي الى النجوم وتقع في حفرة.