مسرحية (قوللي ليه؟)

مسرحية (قوللي ليه؟)
الهدف:
محبة المسيح واحسانه تقابل احيانا بالخيانة وانكار الجميل (مز109 : 4و5).

الشخصيات:
عيد : ممرض في العيادة
نور: رجل اعمى
نعيم: طبيب رمد
ضابط بوليس

المشهد اﻻول:
المنظر : عيادة طبيب رمد بها مكتب عليه تليفون (منزلي) – كراسي
(يرن جرس التليفون .. يرد الممرض وهو يمد يده لياخذ السماعة)
الممرض: (وهو مثقل بالنوم) لماذا ﻻ تتوفر للانسان فرصة للنوم ؟ (يرفع السماعة) الو .. نعم يا سيدي .. هنا عيادة الدكتور نعيم ابو العيون.. لا لم يصل بعد.. تقول انك تريد حجز كشف .. بالطبع! لحظة واحدة (يفتح الدفتر ويسجل اﻻسم فيه) نعم يا سيدي .. اﻻسم ايه؟ ايه .. اسمك ايه؟ .. غريب التايه! .. اسم ده ام بلاغ؟! انت بهذه الطريقة تحتاج الى منادي وليس دكتور.. وﻻ اقولك.. سوف اقول للدكتور بدلا ما يكتب لك روشتة بالدواء يكتبه لك على خريطة.. وبدلا من المعقة يعطيك الدواء في بوصلة.. وهكرمك قوي واقول له يكتب لك الدواء مش كل 6 ساعات بل كل 6 شوارع..
مالك بس! ﻻ تغضب.. فقط كنت امزح معك. يوم الجمعة عطلة وباقي اﻻيام عمل.. خلاص شوف يا سيدي، موعد الكشف لحضرتك سيكون مثل اليوم بعد اسبوع.. لا ، ﻻ يمكن الحجز قبل ذلك.. مع السلامة وامش على الرصيف (يضع السماعة).. هه! غريب وتايه.. فلاكمل نومي (يعود ويلقي براسه ليغط في نوم عميق)
(يدخل شخص اعمى يرتدي نظارة سوداء وفي يده عكاز ويدل مظهره انه فقير..)
اﻻعمى: انتم يا اللي في العيادة.. هو مافيش حد هنا وﻻ ايه؟
(ينادي) يا اللي هنا!
الممرض: (من امام المكتب) ما حدش هنا.
اﻻعمى: (يلتفت نحو الصوت) هو الدكتور هنا؟
الممرض: (يخرج من تحت المكتب) ما قولتلك ما فيش حد هنا .. انت ما بتفهم؟
اﻻعمى: امال انت فين دلوقتي؟
انا هناك
وصوتك واصل لغاية هنا .. ده صوتك على كدة وﻻ صوت العرب.
باين عليك غلباوي .. عاوز ايه؟
عاوز الدكتور نعيم ابو العيون
وعاوز منه ايه؟
(بسخرية) ﻻ ابدا .. اصله غلبني في الطاولة باﻻمس واليوم اريد ان اعوض هزيمتي منه.
نعم؟
اومال عاوزني اقول لك ايه.. واحد جاي يسال على الدكتور هيكون عايزه في ايه يعني؟
اصل كل اللي بيجوا بيكونوا عايزين كشف نظارة او يحطوا قطرة.. انما انا شايفك مركب نظارة اهو.
اﻻعمى: (بسخرية) ﻻ ..دي نضارة شمس.
اه، اكمنها سودا.
انا كل اللي عرفته من ساعة ما وعيت الدنيا اللون اﻻسود.. اﻻسود وبس.
(يحرك يده امام عيني اﻻعمى) هو انت؟
.. اعمى.. انا اعمى.
ﻻ مواخذة انا ما اخدتش بالي
(ينغزه بالعصا) ابقى خد بالك بعد كدة.
حاسب يا عم.. انت اسمك ايه؟
نور
(بسخرية) نور.. ها ها .. ﻻ فعﻻ واسمك نور ايه؟
نور مصباح
كمان مصباح.. ها ها..
مصباح مطفي .. يا اخي مالك؟
التمرجي: ﻻ اسم على مسمى بصحيح انا خايف اسال عن بقية اسمك..
نور مصباح الشواف
شواف .. ها ها
مش عاجبك اسمى وﻻ ايه؟ يا ترى اسم الكريم ايه؟
انا عيد
انهو عيد
انهو عيد ازاي يعني؟
يعني العيد الكبير وﻻ الصغير؟
يا عني انا اسمي عيد
دا غير عيد اﻻم؟ واسمك عيد ايه؟
عيد ميلاد.
كل سنة وانت طيب يا رجل . مش كنت تقول كان الواحد جاب معه كوزين درة وهو جاي
ذرة ايه يا عم
انا خايف اسال عن بقية اسمك
عيد ميلاد سعيد
اسم ده وﻻ تهنئة؟
انا باين مش هاخلص معك.. شوف يا عم حتة تاني تروحها . احنا مش فاضيين لك..
هو انا جايلك انت. انا جاي للدكتور.
يا عم نور، اللي بيجي هنا بيكون مفتّح وبيشوف .. لكن نظره ضعيف فبيعمله نضارة. انما انت..
بس انا سمعت ان الدكتور نعيم شاطر .. وسمعت كمان انه بيعمل عمليا في العينين.
(ينظر اليه من تحت الى فوق) وانت تقدر تدفع بقى تمن العملية دي؟
انا مستعد ادفع كل اللي حيلتي.
واللي هو ايه يعني؟ كم؟
ﻻ . ما يغركش انا جاي ومعي تحويشة عمري.
كم يعني؟
(بافتخار) خمسة جنيه
(يدفعه للخارج) يا عم اتكل على الله. انت لباين فاضي وجاي تمزح . يا اللا مع السلامة.
مش كده يا عيد.
(في هذه اللحظة يدخل الدكتور ويصدم نور وتقع منه العصا ويعطيها له الدكتور)
شكرا يا ابني
(وهو يرتدي البالطو) ايه اﻻخبار يا عيد؟
كله تمام يا دكتور.
(يعود) دكتور! .. هو حضرتك د. نعيم ابو العيون؟
نعم.
انا جيت ومحتاج خدمة لكني مطرود.
ازاي الكلام ده يا عيد. انا قلت لك الف مرة اي حد يجي هنا ﻻ ترده ابدا مهما كان (ويذهب الى نور) تعال يا عم اتفضل استرح.
(يخرج عيد)
نور: (يجلس) ربنا يريح قلبك.
قوللي يا عم..
نور (يظن ان عيد ﻻ زال موجود) ما تتريق على يا عيد. انا بحذرك ..
ﻻ احد يستخف بك يا عم نور.
ﻻ دا استهزا باسمي.
عيد ليس هنا. خرج منذ قليل.
خرج.. ﻻ مواخذة يا دكتور اصلي ما شفتهوش وهو خارج.
ﻻ يهم.. قوللي يا عم نور. انت اتولدت كدة وﻻ ده نتيجة حادث؟
ﻻ . انا ولدت هكذا. اعمي. (يغني) انا مولود في الدنيا دي اعمى. ﻻ شفت النور وﻻ شفت النعمة.
(يستكمل).