دكتور: رائع! باين عليك رجل ذكي ومتنور!
ويفيد بايه يا دكتور وانا اعمى؟
د: كنت بتقول انك طالب خدمة؟
ايوة. عايز افتّح.
يوة لكن..
ﻻ ارجوك ما تكملش. انا رحت لدكاترة كتير. اللي كان بيتهرب، واللي كان بيضحك علي بكلمتين. حتى حلاق الصحة رحت له.
بابتسامة) وقاللك تعمل ايه؟
قاللي حمرلك بيضتين في السمن وحطهم على عينم ونام والصبح هتشوف.
ها ها. وعملت كدة؟
طبعا يا دكتور حمّرت البيضتين في السمن .. بس اتعشيت بيهم … اهو احسن من اللي قالك اخبط دماغك في الحيط 7 مرات.. عارف ايه يا دكتور انا مرة رحت لدكتور كبير قوي . قاللي ايه.. قاللي نام ساعات معدودة..
ودي فيها ايه؟
يا دكتور قاللي نام ساعات مع دودة.. قعت اسبوع ادور على دودة احطها جنبي وانا نايم مالقتش.. وسمعت انك شاطر وتحب تساعد الناس.
يعني انت متاكد اني اقدر اعالجك؟
عندي احساس جوايا ان نهاية ماساتي على يدك.
ماساتك؟
واي ماساة يا دكتور.. انا فتحت عيني على الدنيا عميت.. ابويا وامي كانوا فقراء .. تبهدلت .. وبقيت اشحت.. ﻻ يغرك اني بحب المزاح.
خلاص يا عم نور انا هعملك العملية وان شاء الله تخف.
ربنا يحفظك.
لكن ايه يا عم نور؟
انا مش معي فلوس للعملية.
و ﻻ يهمك انا هتكفل بكل حاجة.
بس انا ﻻ اقبل احسان او شفقة من حد.
ده ﻻ احسان وﻻ شفقة.. ده منفعة متبادلة.
بتقول ايه ..؟ ها تجيب لي عمة وبدلة؟
عمة وبدلة ايه؟.. ان شاء الله لما العملية تنجح .. هتكون موضوع رسالة الدكتوراة بتاعتي.
ولو اني مش فاهم حاجة .. لكن اذا كان كدة ماشي.. بس..
بس ايه؟
اكيد العملية هتاخد وقت؟
حوالي شهر.
يظهر يا دكتور اني ماليش نصيب اخف.
ليه كدة؟
ما عندي مكان اقعد فيه وﻻ شغلانة اجيب منها فلوس. اعيش الشهر دة ازاي؟
اسمع. انت هتعيش هنا. هجيب لك سرير هنا.. وهتكون تحت ملاحظتي.. وهاخلي عيد ينام جنبك.
ﻻ عيد ما ينامش جنبي. اللي اوله شرط اخره نور..
بابتسامة : خلاص بلاش.
انا مش عارف اشكرك ازاي.. انت ملاك من السماء.. انا سمعت عنك كتير لكن لما جيت وشفتك طلعت اكبر من اللي سمعته.
شفتني؟ حلوة دي.. تعال افرجك على المكان اللي هتعيش فيه طول الشهر
هتفرجني؟ حلوة دي
(يخرجان)
عيد (يدخل): بقى ده كلام يا ناس .. يعالجه على حسابه ويعيشه هنا شهر.. اكله وشربه .. الدكتور باين اتجنن..
الدكتور: الو. ايوة يا دكتور امجد.. اخبارك ايه؟ شوف يا سيدي . عايز منك تجهز غرفة العمليات غدا. وايضا اتصل بدكتور امجد وجون .. (يخرج)
قصص و روايات 