مسرحية: قوللي ليه؟ #٣

الجزء الثالث والاخير.

لهدف: المسيح هو الطبيب الحقيقي وهو الفادي الذي دفع اجرة خطايانا.

مشهد الثاني

عيد: (يتكلم في التليفون) الو.. ايوة يا دكتور نعيم.. عم نور؟ .. اهو اعد جوة.. (بضيق) ايوة يا دكتور .. اعددت له الفطار مثل كل يوم.. حاضر يا دكتور حاضر.. هاجهز كل حاجة لغاية ما حضرتك تيجي .. مع السلامة (يضع السماعة) هو ايه دا!! .. نور نور نور .. هو مافيش حد يسأل عليه غير نور .. من ساعة ما عمل له العملية وهو مافيش في دماغه غير نور.. فطر يا عيد؟ غديته يا عيد؟ .. عشيته؟ حميته؟ .. فسحته؟ .. حاجة تقرف دي تحويشة عمره 20 الف جنيه راح اشترى بيهم جهاز عشانه .. شهر بحاله دلوقتي وانا عمال اخدمه وكانه من بقية اهلي .. ياللا اهو الدكتور جاي النهاردة يفك له الرباط ونخلص من الوش ه ..
نور: (من الداخل) يا عيد .. يا عيد.
عيد: (بقرف): نم يا سيي نور.
تعال يا بني خد بايدي الهي يخدك.. قصدي ياخد بيدك.
(يذهب عيد اليه وياخده من يده ويدخله ويظهر نور وعلى عينيه قطن وشاش ابيض.. يجلسه على كرسي)
نور: روح يا شيخ الهي يكتب لك في كل خطوة قطرة.
عيد: ابسط يا سي نور.. خلاص انهاردة الدكتور هيفك لك الرباط وهتبان نتيجة العملية.
نور: (يقف) النهاردة .. ياه!! هو الشهر مر بالسرعة دي!! طبعا انت متضايق يا عيد عشان هاسيبكم خلاص وامشي.
عيد: (يظهر عكس ما يقوله) اه طبعا.. دانا حتى كنت بقول اﻻيام الحلوة تمر بسرعة..
مانا سمعتك .. (يلتفت عيد اليه) حتى بالقمارة كنت بتول انك تعتبرني واحد من اهلك .. مش كدة؟
هو انت ودانك معايا؟
هو انا عندي غيرها؟
اهو انهاردة الدكتور هيفك لك الرباط.
تفتكر يا عيد العملية هتنجح؟
اكيد ان شاء الله.
اه ما هو لو مفتحتش ، هيعملوا لي ملية تاني والقعدة هنا هتطول.
ﻻ . ﻻ .. ان شاء الله هتفتح.
يا سلام يا عيد.. مكن افتح واشوف الناس والشجر والعصافير,.
الدكتور: (يدخل) اكيد هتفتح يا نور.. ان شاء الله.
(بفرح) دكتور نعيم؟
ايوة يا نور انهاردة انت هتفتح وتشوف النور.
ومستني ايه يا دكتور.. ياللا فك الرباط.
(يفك الرباط)
فتح عينك كدة يا نور.
يبدا يفتح بهدوء
اانا .. انا شايف.. انا شايف يا دكتور..
الف مبروك
انا مش عارف اشكرك ازاي.
تشكرني انك تروح اﻻن وتيجي غدا عشان اعرض حالتك على اساتذة الطب .
طبعا يا دكتور! من الساعة 6 الصبح هكون عندك (يخرج)
وانت يا عيد اقفل العياة وروح النهاردة. كفاية تعبك طول الشهر اللي فات.
ﻻ . انا مش هسيب العيادة لوحدها.
يعني هيحصل لها ايه.. يا اللا روح ارتاح (يخرجان).
(يخفت الضوء على المسرح .. ثم يدخل نور بعد لحظات وفي يده كرتونة .. ويتصل بالتليفون.)
نور: ايوة.. قهوة كشكش؟ اديني الواد سي.. ايوة يا سيد يا ملقاط .. عامل ايه؟ انا نور مصباح.. انا فتحت يا سيد وبشوف .. حتى انا شايفك دلوقتي. بقولك ايه قابلني على القهوة النهاردة الساعة 6 .. معايا حاجة هتعجبك قوى (يشير بيده الى الكرتونة). اوعى تتاخر.. سلا.
(يقول وهو خارج) هو صحيح فتح لي عيني وعمل العملية على حسابه . بس انا كمان عايز اعيش (ينظر ناحية المكتب) معلش يا دكتور نعيم.
المشهد الثالث:
(يضاء المسرح ويدخل التمرجي)
عيد: اصطبحنا وصبح الملك لله. صباح الخير يا عم نور. الله هو ما بيردش ليه؟ باين انه لسة نايم .. احسن يريحنا شوية.
(يدخل الدكتور)
الدكتور: صباح الخير يا عيد .. ها نور فطر كويس؟
عيد: ﻻ .. لسة نايم.
ازاي. دى المفروض يكون جاهز. ادخل صحيه بسرعة!
(يرجع عيد بعد لحظة)
ده مش موجود جوة يا دكتور.
يعني ايه. راح فين؟
(يذهب عيد مرة اخرى ويصرخ من الداخل)
الحق يا دكتور!
الدكتور: في ايه يا عيد؟
نور يا دكتور .. جهاز الكشف الجديد مش موجود في مكانه.
جهاز الكشف؟ انت متاكد؟
ادخل واتاكد بنفسك!
غريبة قوي .. نور يختفي وجهاز الكشف اللي ب 20 الف ؟
انا ما كنتش مطمن للي اسمه نور ده!
قبل ما تحكم عليه ﻻزم تتاكد اﻻول.
اتاكد من ايه يا دكتور. ما هي واضحة كالشمس. خلاك تعمل العملية وبعد ما فتح ضحك علينا وسرق الجهاز.
بتاثر) مش ممكن .. مش ممكن نور يعمل كدة.
عيد: انا هبلغ البوليس
(اثناء حديث عيد مع الشرطة ينخفض الصوت وتخفت اﻻضاءة)
المشهد الرابع:
(يضاء المسرح ويظهر الدكتور وعيد يجلسان في حزن)
ما تزعبش يا دكتور. ان شاء الله البوليس هيقبض عليه ويرجع لك الجهاز.
انا مش زعلان على الجهاز رغم انه غالي. وﻻ على رسالة الدكتوراة اللي راحت .. لكن (يقف) انا مجروح عشان اللي ساعدته اول ما فتح عينه سرقني. هو ده رد الجميل؟!
الضابط: (يدخل) مساء الخير. وصل لنا بلاغ عن سرقة.
ايوة فعلا.
قلتم في البلاغ انكم تشكون في مريض كان يتعالج هنا. وذكرتم اوصافه . وبالفعل قبضنا على واحد تنطبق عليه الاوصاف (ينادي) دخّله يا عسكري.
الضابط: (للدكتور) هو ده المريض اللي انت عالجته يا دكتور؟
ايوة. هو يا حضرة الضابط.
(للدكتور) في اﻻول انكر صلته ومعرفته بك. لكن احنا قدرنا نخليه يعترف. وقال انه باع الجهاز لواحد شريكه وجاري البحث عنه للقبض عليه.
(ينظر الدكتور نظرة عتاب لنور..
عيد: ويا ترى هتعملوا ايه معاه يا حضرة الضابط؟
اقل شئ هياخد 3 سنوات سجن.
الدكتور: ما ينفعش يخرج بكفالة؟
الضابط: وده هيجيب منين 3 اﻻف جنيه يدفعهم كفالة.
(يخرج نور من جيبه فلةوس كتير)
الضابط: هي دي الفلوس اللي بعت بها الجهاز؟
عيد: ده الجهاز تمنه 20 الف؟ بعته ب 3 اﻻف بس؟
الضابط: وبفلوس مزيفة كمان!
(يجف نور ويشعر باﻻسى)
الضابط: قداني يا مجرم
الدكتور: لحظة (يقف الجميع) الكفالة جاهزة.
الضابط: انت اللي هتدفع له الكفالة يا دكتور؟
ايوة.