مسرحية: السجين 1313 (٢)

1313: ابويا وامي يعني؟ ﻻ .. زمانهم اتبروا مني..
محب: مفيش اب وام يحبوا ابنهم يتبروا منه.
1313: ومين قال لك انهم بيحبوني؟ من وانا صغير وهم بيكرهوني. كل الناس بتكرهني! عشان كدة انا بكرههم.. بكرههم!
محب: حتى لو كان كلامك صحيح. اؤكد لك ان قي واحد عظيم بيحبك.
1313: واحد بيحبني؟ انا.. وكمان عظيم! مين ده؟
محب: ربنا.
1313: هأ او. انت فاكرني عبيط و ﻻ عيل في الكنيسة هتضحك عليه بالكلام ده؟
محب: صدقني.. بيحبك.
1313: ده اكتر واحد بيكرهني .. طول عمري وانا شايفه بيتحداني. تماما زي ضابط البوليس اللي بيدور عليّ عشان يعاقبني.
محب: هو صحيح بيدور عليك. بس مش عشان يعاقبك انما ﻻنه بيحبك وعايز يحررك.
1313: ايه اﻻمارة؟ بامارة ايه بيحبني؟ بامارة الفقر والجوع اللي عشت فيه .. وﻻ المشاكل اللي شفتها طول حياتي.. وﻻ بامارة الظلم اللي وصلني لمجرم مستني اعدامه بين يوم والثاني؟
محب: ﻻ (سكوت لحظات) بأمارة الصليب.. دليل محبته لك هو الصليب.
1313: الصليب؟!
محب: ايوة.. موته من اجلك .. بامارة دمه المسفوك.
1313: مين قتال انه عمل ده عشاني؟
محب: هو مات بدل اللصوص.. والزناة.. والقاتلين..
1313: انت بتقول ايه؟ انا طول عمري فاكر ان ربنا بيحب اﻻبرار بس!
محب: الرب يسوع جاء من اجل الخطاة والضالين.
1313: يا عم دول 172 سنة و2 اعدام.
محب: دم يسوع ابنه يطهر من كل خطية.
(يسمع من جديد صوت سارينة الشرطة)
1313: تقدر تناديلهم (بتاثر) لو عاوز!
محب: (يذهب الى الشباك حتى يخفت الصوت)
1313: انت ما ناديتش عليهم ليه؟
محب: ﻻني مش عاوزك تروح السجن من غير يسوع.
1313: كفاية بقى الكلام ده. (يقلع كاب السجن ويلقيه على المنضدة). انا مش عاوز اسمعه. سيبني للي انا فيه. هو مفيش هنا سرير ارتاح عليه لحسن انا هلكان من كتر الجري.
محب: ادخل ريح شوية. وانا هاجهز لك لقمة تاكلها.
1313: سريرك؟ وكمان اكل؟ ليه؟ (يخرج)
محب: (يصلي) يا رب ما تسمحش انه يهلك. انقذه زي اللص اليمين.
(يخرج ليجهز الطعام)
محب: ياللا يا 1313 اﻻكل جاهز (ﻻ يرد) .. يا ه ده نومه تقيل قوي
(تسمع سيارة الشرطة ثانية)
محب: (ينظر من الشباك بارتباك) ايه ده؟ دول داخلين العمارة. اكيد حد من الجيران شافه وبلغ… اصحى يا 1313 .. اعمل ايه بس يا رب (ينظر للمنضدة فيجد الكاب والرقم والكلابشات عليها) … يا رب انا اعمل كدة عشان ما يهلكش (يرتديهم)
(يدخل البوليس ويقبض عليه)
1313: (يتثاءب) يا سلام الواحد مانامش من زمان.. هو فين محب؟
بائع الجرائد: اقرا الخبر .. اقرا القبض على سفاح هارب.
1313: ده اكيد زميلي. قبضوا عليه الخايب.
بائع الجرائد: اقرأ الخبر.. القبض على السجين 1313
1313: (ينظر الى الرقم باستغراب) ازاي ده ؟ امال انا ابقى مين؟
1313: (ينظر الى المنضدة باستغراب) هو محب فين؟.. مش معقولة؟ دي صورة محب في الجرنال .. محب .. محب؟ .. طب ليه؟ (يتذكر) عشان مش عاوزك تموت من غير يسوع!!.. ايوة محب مات عشاني.. وانا مش هخلي موته يروح على الفاضي. ﻻ يمكن اتركك يا يسوع.. راجع لك يا يسوع ..
(تسمع ترنيمة “يا صاح